"Ливерпуль" дарвозабони Алиссон Беккер кеча "қизиллар" сафида "Энфилд"даги илк голини урган ҳужумчи Дарвин Нуньеснинг ўйинини юқори баҳолади.
Уругвайлик футболчи киритган тўп эвазига "қизиллар" ғалаба қозонди ва Юрген Клопп шогирдларига Лондонда "Вест Хэм"га қарши ўйинда уч очко олиш имконини берди.
“Биз ҳар доим Нуньесга ёрдам берамиз ва уни яқин тутамиз. Биламан, бу осон эмас. Янги мамлакатга жойлашиш жуда қийин. Жамоага келганимда инглиз тилини ундан кўра бир оз яхшироқ билардим, аммо Дарвин бунинг устида қаттиқ ишламоқда”, - деди Алиссон ўйиндан кейин берган интервьюсида.
Эслатиб ўтамиз, Нуньес АПЛда 3 та гол урган. Бунгача уругвайлик футболчи "Арсенал" ва "Фулхэм" дарвозасига йўл топганди. Дарвин Премьер-лигадаги барча голларини шу пайтгача фақат Лондон жамоалари дарвозасига киритган.
