Англия футбол ассоциацияси (АФА) "Арсенал"га қарши айблов эълон қилди.
Бунга сабаб "Лидс"га қарши кечган АПЛ доирасидаги сўнгги ўйин якунида футболчиларнинг бош ҳакам билан келишмовчилиги бўлган.
"Арсенал" ўз ўйинчиларининг хулқ-атворини таъминламаганликда айбланмоқда. "Канонирлар" 24 октябргача айбловга жавоб беришлари керак.
Эслатиб ўтамиз, "Арсенал" сафарда "Лидс"ни 1:0 ҳисобида мағлуб этганди. Микель Артета жамоаси айни дамда Англия Премьер-лигасининг етакчиси ҳисобланади.
Бугун "Арсенал" ПСВ жамоасига қарши Европа лигаси ўйинини ўтказади. Учрашув Тошкент вақти билан 22:00 да бошланади.
