"Арсенал" бош мураббийи Микель Артета Европа лигаси гуруҳ босқичининг 2-тури қолдирилган ўйинда ПСВ устидан қозонилган ғалаба (1:0) ҳақида фикр билдирди.
“Бизда жуда яхши дамлар бўлди, лекин охирги пас ёки зарбани беришда жуда қийналдик. Шунга қарамай, ғалаба қозонганимиздан хурсандмиз. Биринчи ва иккинчи ўринлар ўртасидаги фарқ жуда катта ва биз уни кейинги ҳафтада сақлаб қолмоқчимиз. Гранит Жаканинг голи аъло даражада бўлди", - дея Артета сўзларини келтирмоқда BBC.
“А” гуруҳида “Арсенал” 12 очко жамғариб, биринчи ўринда бормоқда. ПСВ 7 очко билан иккинчи ўринда қолди.
ПСВ 27 октябрь куни “Арсенал”ни қабул қилади.
