"Arsenal" bosh murabbiyi Mikel Arteta Yevropa ligasi guruh bosqichining 2-turi qoldirilgan o‘yinda PSV ustidan qozonilgan g‘alaba (1:0) haqida fikr bildirdi.
“Bizda juda yaxshi damlar bo‘ldi, lekin oxirgi pas yoki zarbani berishda juda qiynaldik. Shunga qaramay, g‘alaba qozonganimizdan xursandmiz. Birinchi va ikkinchi o‘rinlar o‘rtasidagi farq juda katta va biz uni keyingi haftada saqlab qolmoqchimiz. Granit Jakaning goli a’lo darajada bo‘ldi", - deya Arteta so‘zlarini keltirmoqda BBC.
“A” guruhida “Arsenal” 12 ochko jamg‘arib, birinchi o‘rinda bormoqda. PSV 7 ochko bilan ikkinchi o‘rinda qoldi.
PSV 27 oktyabr kuni “Arsenal”ni qabul qiladi.