ФИФА президенти Йозеф Блаттер 2006 йилги Жаҳон чемпионати мезбонини аниқлашда коррупция аралашган бўлиши мумкинлигига шаъма қилди. Эслатиб ўтамиз ўша йили мезбон Германия давлати бўлган эди.
"Биз ЖЧ-2006 мезбонини аниқлаётганимизда сўнгги лаҳзаларда кимдир хонадан чиқиб кетди ва овоз бериш ҳисоби 10:10 бўлиши керак бўлган пайтда 10:9 ҳисобида Германия фойдасига оғиб кетди.
Мен ўзимнинг овозим ҳал қилувчи бўлмаганидан хурсандман. Лекин кимдир хонадан чиқиб кетди-да. Балки мен ўта ишонувчандирман. Мен ҳеч нарсадан шубҳа ҳам қилмаяпман. Нима содир бўлган бўлса, шуни айтдим, холос", - дейди Блаттер.
