"Манчестер Сити" сардори Илкай Гюндоганнинг келажаги ноаниқлигича қолмоқда. Эртага 32 ёшга тўладиган ярим ҳимоячининг амалдаги шартномаси жорий мавсум охирида якунланади.
The Sun нашрининг ёзишича, Гюндоган "Галатасарой"нинг трансфер мақсадига айланган. Туркия Суперлигасининг топ-клуби Илкай “шаҳарликлар” билан шартномани узайтирмаса, унинг учун курашиш ниятида.
2022/2023 йилги мавсумда Илкай Гюндоган "Манчестер Сити" сафида 14 та ўйинда майдонга тушган. Уларда ярим ҳимоячи иккита гол урди ва жамоадошларига битта самарали узатмани амалга оширди.
Эслатиб ўтамиз, Илкай Гюндоган “Манчестер Сити”да 2016 йилнинг ёзидан буён ўйнаб келмоқда.
