"Manchester Siti" sardori Ilkay Gyundoganning kelajagi noaniqligicha qolmoqda. Ertaga 32 yoshga to‘ladigan yarim himoyachining amaldagi shartnomasi joriy mavsum oxirida yakunlanadi.
The Sun nashrining yozishicha, Gyundogan "Galatasaroy"ning transfer maqsadiga aylangan. Turkiya Superligasining top-klubi Ilkay “shaharliklar” bilan shartnomani uzaytirmasa, uning uchun kurashish niyatida.
2022/2023 yilgi mavsumda Ilkay Gyundogan "Manchester Siti" safida 14 ta o‘yinda maydonga tushgan. Ularda yarim himoyachi ikkita gol urdi va jamoadoshlariga bitta samarali uzatmani amalga oshirdi.
Eslatib o‘tamiz, Ilkay Gyundogan “Manchester Siti”da 2016 yilning yozidan buyon o‘ynab kelmoqda.
