Россия футбол иттифоқи президенти вазифасини бажарувчи Никита Симонян терма жамоага италиялик таниқли мутахассис Фабио Капелло бош мураббий этиб тайинланганини эълон қилди.
"Бугун Россия терма жамоасига Фабио Капелло бош мураббий этиб тайинланиши ҳақидаги қарор қабул қилинди. Яқин вақт ичида унинг ўзи ва агенти Москвага шартномага имзо чекиш учун учун ташриф буюради", — дейди Симонян.
Капелло чоршанба ёки пайшанба куни Россия термасининг расман бош мураббий сифатида тайинланиши кутилмоқда.
Эслатиб ўтамиз, унинг сўнгги иш жойи Англия терма жамоаси бўлган эди.