Чехия терма жамоаси дарвозабони Петр Чех Жон Террининг Антон Фердинандга нисбатан ишлатган ирқчилик кайфиятидаги сўзларини оқлаб чиқди.
"Агар ҳар бир футболчига микрофон уланса, кўпчилик майдонда футболчиларнинг ишлатган сўзларидан ҳайратга тушган бўлар эди. Футбол шундайлигича қолади, унда адреналин, ҳаяжон, қизиққонлик ва асаббузарликлар кўп. Буни спортдан четлатиб бўлмайди. Сен 90 дақиқа давомида ўйин билан яшайсан, ўйинга 100 фоиз диққатингни жамлайсан ва баъзан хурсандчиликдан ёки асабийлашганингдан сўкиниб юборишинг, ҳамда Жон ишлатган сўзларни айтиб юборишинг мумкин. Бу нормал ҳолат", - дея Чехнинг сўзларини келтиради Sky Sports.
Эслатиб ўтамиз, далил ва исботлар етарли бўлмагани учун суд Террини оқлаган эди.
