"Интер" бош мураббийи Симоне Индзаги Италия А сериясининг 11-тури доирасидаги "Фиорентина"га (4:3) қарши ўйиндан сўнг, ҳужумчи Лаутаро Мартинеснинг ўйини ҳақида гапирди. Эслатиб ўтамиз, аргентиналик ушбу учрашувда дубль қайд этганди.
“Лаутаро биз учун жуда муҳим футболчи. Дубль ва бошқа голлардан сўнг бу ҳақида айтиш осон, лекин "Барселона" билан учрашувдан олдин ҳам ташвишланадиган ҳеч нарса йўқлигини айтгандим. Ҳужумчилар айрим вақтларда бешта зарбадан кейинг ҳам гол ура олмайди. Аммо улар иккита зарбадан дубль ҳосил қиладиган даврлар ҳам бор", - деди Индзаги.
Бу ғалаба миланликларга 21 очко тўплаш ва 2022/2023 йилги мавсумда Италия чемпионати турнир жадвалида 7-ўринга кўтарилиш имконини берди. 10 очкога эга “Фиорентина” эса 13-ўринда бормоқда.
