"Inter" bosh murabbiyi Simone Indzagi Italiya A seriyasining 11-turi doirasidagi "Fiorentina"ga (4:3) qarshi o‘yindan so‘ng, hujumchi Lautaro Martinesning o‘yini haqida gapirdi. Eslatib o‘tamiz, argentinalik ushbu uchrashuvda dubl qayd etgandi.
“Lautaro biz uchun juda muhim futbolchi. Dubl va boshqa gollardan so‘ng bu haqida aytish oson, lekin "Barselona" bilan uchrashuvdan oldin ham tashvishlanadigan hech narsa yo‘qligini aytgandim. Hujumchilar ayrim vaqtlarda beshta zarbadan keying ham gol ura olmaydi. Ammo ular ikkita zarbadan dubl hosil qiladigan davrlar ham bor", - dedi Indzagi.
Bu g‘alaba milanliklarga 21 ochko to‘plash va 2022/2023 yilgi mavsumda Italiya chempionati turnir jadvalida 7-o‘ringa ko‘tarilish imkonini berdi. 10 ochkoga ega “Fiorentina” esa 13-o‘rinda bormoqda.
