Англия терма жамоаси ва “Манчестер Юнайтед”нинг афсонавий ҳимоячиси Рио Фердинанд “қизил иблислар” ярим ҳимоячиси Каземиронинг кеча бўлиб ўтган Лондоннинг “Челси” клубига (1:1) қарши ўйинидаги ҳаракатларига изоҳ берди. Бразилиялик футболчи қўшиб берилган вақтда ҳисобни тенглаштириб, жамоасини мағлубиятдан қутқариб қолди.
"Ҳамма хейтерлар қаерга кетишди? Каземиро унчалик яхши эмас деган сарлавҳалар қаерда? У нафақат тўп киритди, балки ўнта зарбани ҳам амалга оширди", - дейди Sky Sports эксперти.
Каземиро ёзги трансфер ойнасида "Реал"дан "Манчестер Юнайтед"га ўтган эди. Битим 70 миллион еврони ташкил қилди.
