Американинг "Чикаго Файр" клуби ҳужумчиси Жон Дюран январ ойидаги трансфер ойнасида клубини ўзгартириши мумкин. Футболчида фаолиятини Туманли Албионда давом эттириш имкониятлари бор.
Daily Mail таблоиди журналистларининг хабар беришича, ҳужумчи билан "Ливерпуль" ва "Манчестер Юнайтед" клублари шартнома имзолашни режалаштирмоқда. Ҳужумчининг трансфер нархи икки миллион еврога баҳоланмоқда. Унинг Чикаго клуби билан шартномаси 2024 йилгача мўлжалланган.
Эслатиб ўтамиз, шу ой бошида Дюранга Лондоннинг "Челси" клубидан қизиқиш борлиги ҳақида хабарлар тарқалган эди.