Amerikaning "Chikago Fayr" klubi hujumchisi Jon Dyuran yanvar oyidagi transfer oynasida klubini o‘zgartirishi mumkin. Futbolchida faoliyatini Tumanli Albionda davom ettirish imkoniyatlari bor.
Daily Mail tabloidi jurnalistlarining xabar berishicha, hujumchi bilan "Liverpul" va "Manchester Yunayted" klublari shartnoma imzolashni rejalashtirmoqda. Hujumchining transfer narxi ikki million yevroga baholanmoqda. Uning Chikago klubi bilan shartnomasi 2024 yilgacha mo‘ljallangan.
Eslatib o‘tamiz, shu oy boshida Dyuranga Londonning "Chelsi" klubidan qiziqish borligi haqida xabarlar tarqalgan edi.