Футбол оламида спортчиларнинг шартномаларида ғалати бандларга кўзингиз тушиши мумкин. Бугун биз бир нечта бундай ҳолатлар ҳақида сўз суритамиз.
Тунги клублар ҳақидаги банд
Роналдиньо нафақат иқтидорли футболчилардан бири, балки кўнгилхушликни ҳам яхши кўрадиган бразилиялик эди. "Фламенго" билан шартнома имзолаганда футболчи битимга тунги клуб бандини киритган. Унинг шартларига кўра, 2005 йилда "Олтин тўп" соҳиби бундай муассасаларга ҳафтасига икки марта ташриф буюриши мумкин эди. Футболчининг ўзи буни талаб қилган. Роналдиньо клуб раҳбарияти унинг шартларига рози бўлмагунча шартнома имзолашдан бош тортди. "Фламенго" таркибида у 44 та ўйин ўтказиб, 19 та гол урди ва 13 та голли узатмани амалга оширди.
"Арсенал" билан алоҳида муносабатлар
2013 йилда “Ливерпуль” эгаси Жон Анри “Арсенал”нинг ҳужумчи Луис Суаресни сотиб олишга уринишларига шубҳа билан қараган эди. Кейин Лондон клуби уругвайлик учун 40 миллион фунт таклиф қилди, кейин эса бу таклифга яна 1 фунт қўшди. Ҳа, роппа-роса бир фунт. “Нима деб ўйлайсиз, улар у ерда нима чекишяпти?” – деди Генри.
“Ливерпуль” бундай таклифдан шунчалик ранжиганки, улар шартномалардан бирига банд киритган. Ҳужумчи Роберто Фирмино билан тузилган шартномада сотиб олиш опцияси 83 миллион фунт стерлингга кўзда тутилган. Уни "Арсенал"дан ташқари исталган клуб фаоллаштириши мумкин.
Космосга саёҳатга рухсат йўқ
1999 йилда "Сандерленд" "Валенсия"дан ярим ҳимоячи Стефан Шварцни сотиб олди. 1994 йилги жаҳон чемпионати бронза медали совриндори учун инглиз клуби 4 миллион фунт стерлингдан сал камроқ тўлаганди. Шартнома лойиҳасини ишлаб чиқиш жараёнида қизиқ бир жиҳат аниқланган. Шварцнинг агенти ўзига тижорий космик парвозлардан биридан жой ажратди. У пайтда бу саноат эндигина ривожланаётган эди, шунинг учун "Сандерленд" раҳбарлари бу ҳолат улатга қимматга тушишидан жиддий хавотирда эдилар. Улар агент Шварцни парвозга таклиф қилишидан хавотирда эдилар, шунинг учун улар шартномага тегишли тақиқни ёзишди. Швециялик футболчи фаолиятини якунлагунга қадар “Сандерленд”да тўрт йил ўйнади.
Пазандачилик курслари
Африкалик ярим ҳимоячи Рольф-Кристел Ге Мян 1997 йилда Германияга кўчиб ўтди ва у ерда 15 йилдан ортиқ ўйнади. У "Айнтрахт"га ўтганида, у ностандарт талаб билан ажралиб турарди. Конголик футболчи клуб раҳбарияти билан унинг рафиқаси учун ошпазлик курсларини топиши ҳақида келишиб олди. Ге Мян 2012 йилда нафақага чиққанини эълон қилди ва Германияда қолди.
Қизил бутсада ўйнаш тақиқланган
Машҳур нидерландиялик ярим ҳимоячи Рафаэл ван дер Варт "Реал Бетис" билан 2015 йилда шартнома имзолаган. Шартномада ғайриоддий шарт кўрсатилган - футболчига қизил бутса кийиш тақиқланган. Бу “Бетис”нинг асосий рақиби – “Севилья” рамзидир. Шартноманинг ушбу бандини бажаргани учун ван дер Варт ойига тахминан 115 минг евро олган. Шундай қилиб, қизил бутса кийиш тақиқига амал қилган футболчи “Бетис”да тахминан 1,6 миллион евро ишлаб топган.
Учмайдиган голланднинг махсус элементи
Афсонавий Деннис Бергкамп аэрофобия туфайли учмайдиган голланд лақабини олди. Футболчи самалёт зинапоясига яқинлашган заҳотиёқ қаттиқ ваҳимага тушади. 1995 йилда Бергкамп "Арсенал"га кўчиб ўтди ва унинг шартномасига ҳеч қандай санкциясиз ҳаво сафарларидан қочиш имконини берувчи банд киритилган. Нисбатан яқин саёҳатлар учун клуб автобуси ёки поездда саёҳат қилган ва узоқ масофалардаги ўйинларни ўтказиб юборган. 1999 йилда Бергкамп икки кун ўз машинасида Флоренцияга борган, у ерда "Арсенал" Чемпионлар лигаси ўйинини ўтказиши керак бўлган.
