Англия чемпионатининг ўн учинчи туридан ўрин олган ўйинда Лондоннинг “Арсенал” жамоаси “Саутгемптон” майдонига йўл олди, бироқ ҳисобни биринчи бўлиб очишига қарамай, ғалаба қозона олмади. Ўйиндаги воқеаларни "Арсенал"нинг испаниялик мураббийи Микел Артета изоҳлади.
"Албатта, натижа бошқача бўлиши керак эди. Лекин, биз рақибни ҳурмат қилишимиз керак. Иккинчи бўлимда бир нечта вазиятлар яратган бўлсак-да, ташаббусни уларга бердик. Иккинчи голни уриб, ғалаба қозониш учун имкониятлар бўлди", - дейди Артета.
Кейинги, ўн тўртинчи турда Лондоннинг "Арсенал" жамоаси ўз майдонида "Ноттингем Форест"ни қабул қилади.
