Angliya chempionatining o‘n uchinchi turidan o‘rin olgan o‘yinda Londonning “Arsenal” jamoasi “Sautgempton” maydoniga yo‘l oldi, biroq hisobni birinchi bo‘lib ochishiga qaramay, g‘alaba qozona olmadi. O‘yindagi voqealarni "Arsenal"ning ispaniyalik murabbiyi Mikel Arteta izohladi.
"Albatta, natija boshqacha bo‘lishi kerak edi. Lekin, biz raqibni hurmat qilishimiz kerak. Ikkinchi bo‘limda bir nechta vaziyatlar yaratgan bo‘lsak-da, tashabbusni ularga berdik. Ikkinchi golni urib, g‘alaba qozonish uchun imkoniyatlar bo‘ldi", - deydi Arteta.
Keyingi, o‘n to‘rtinchi turda Londonning "Arsenal" jamoasi o‘z maydonida "Nottingem Forest"ni qabul qiladi.
