"Манчестер Сити" бош мураббийи Хосеп Гвардиола Дортмунднинг "Боруссия" клубининг 19 ёшли англиялик ярим ҳимоячиси Жуд Беллингемнинг фазилатлари ҳақида ўз фикрлари билан ўртоқлашди.

“Аввал билганимиздек, “Боруссия Дортмунд” ёш иқтидорлар учун энг зўр жой. Балки агар Жуд Беллингем Англияда "Сити", "Юнайтед", "Ливерпуль", "Челси", "Арсенал" ёки "Тоттенхэм"да бўлганида, унда бундай имкониятлар бўлмаслиги мумкин эди. Ёш ўйинчининг яхшиланиши учун қила оладиган энг яхши нарса бу барқарор ўйин вақтини олишдир.

Германияга келганида у 17 ёшда эди, лекин бу нафақат унинг фазилатлари, балки ўзини тутиши эди. Ўша пайтда бу йигит ўзининг менталитети жиҳатидан ўзига хослик кўрсата олди. Ҳозир у 19 ёшда ва у аллақачон сардорлик боғичини олган. Унинг фазилатлари ҳақида деярли ҳамма билади, у кўп жиҳатдан жуда зўр", - дея Гвардиола иқтибос келтиради The Guardian.

Беллингем жорий мавсумда Дортмунднинг “Боруссия” клуби сафида барча турнирлар доирасида 17 та ўйинда майдонга тушиб, 8 та гол урди ва 2 та голли узатмани амалга оширди. Унинг трансфер нархи 90 миллион еврога баҳоланмоқда.