"Manchester Siti" bosh murabbiyi Xosep Gvardiola Dortmundning "Borussiya" klubining 19 yoshli angliyalik yarim himoyachisi Jud Bellingemning fazilatlari haqida o‘z fikrlari bilan o‘rtoqlashdi.
“Avval bilganimizdek, “Borussiya Dortmund” yosh iqtidorlar uchun eng zo‘r joy. Balki agar Jud Bellingem Angliyada "Siti", "Yunayted", "Liverpul", "Chelsi", "Arsenal" yoki "Tottenxem"da bo‘lganida, unda bunday imkoniyatlar bo‘lmasligi mumkin edi. Yosh o‘yinchining yaxshilanishi uchun qila oladigan eng yaxshi narsa bu barqaror o‘yin vaqtini olishdir.
Germaniyaga kelganida u 17 yoshda edi, lekin bu nafaqat uning fazilatlari, balki o‘zini tutishi edi. O‘sha paytda bu yigit o‘zining mentaliteti jihatidan o‘ziga xoslik ko‘rsata oldi. Hozir u 19 yoshda va u allaqachon sardorlik bog‘ichini olgan. Uning fazilatlari haqida deyarli hamma biladi, u ko‘p jihatdan juda zo‘r", - deya Gvardiola iqtibos keltiradi The Guardian.
Bellingem joriy mavsumda Dortmundning “Borussiya” klubi safida barcha turnirlar doirasida 17 ta o‘yinda maydonga tushib, 8 ta gol urdi va 2 ta golli uzatmani amalga oshirdi. Uning transfer narxi 90 million yevroga baholanmoqda.