"Барселона"нинг собиқ ярим ҳимоячиси Андрес Иньеста Каталония клубининг 19 ёшли ярим ҳимоячиси Педри ҳақида ўз фикрлари билан ўртоқлашди.
“Педри - ажойиб ўйинчи, у тўп билан хотиржам. У шошилмасдан табиий равишда ўйнайди. Унда "Барселона" тарихига кириш учун ҳамма нарса бор. Кўриниб турибдики, у тинмай меҳнат қилади.
Албатта, биз қайсидир маънода ўхшашмиз, лекин у мен каби бўлиши шарт эмас. Балки ўйинимда камчиликлар бордир, уни қабул қилмагани маъқул. Педри ўзининг хусусиятлари туфайли бошқа ўйинчи бўлади", — деди Иньеста.
Жорий мавсумда Педри Испания чемпионатининг 11та учрашувида қатнашиб, иккита гол урди. 2021 йилдан бери ярим ҳимоячи Испания терма жамоасига чақирилмоқда.
