“Локомотив”га қарши ўйинда мухлислар олқишига сазовор бўлган Аббосбек Файзуллаев учрашувдан кейин интервью берди.

"Ғалаба билан барча мухлисларимизни табриклайман. Баҳс қийин бўлишини билган эдик, шунинг учун ўйинга тайёргарлик жараёнида рақибимизни анча пухта ўрганиб чиқдик. Рақибимиз ўйинларини кўриб чиқдик, биринчи бўлимдаги вазиятлардан фойдаланганимиз туфайли ўйинда ғалаба қозондик деб ўйлайман.

Биринчи бўлимдаги ёрқин ўйиндан кейин иккинчи бўлимда суръат анча секинлашди. Бунга нима сабаб бўлди?

- Иккинчи бўлимдаги ўйин суръатида бўлган пасайишни биринчи бўлим иккала жамоа учун ҳам қийин кечгани билан изоҳлайман. Биз кўп куч сарфладик. Мавсум охири бўлгани сабаб жамоаларда чарчоқ аломатлари бор.

Қолган учта баҳсда жамоанинг мақсадлари қандай?

- Биринчи навбатда биз ҳар доим ғалаба учун майдонга чиқамиз. Мавсум охиридаги мақсадимиз чиройли ўйин кўрсатиш ва олтин медалларни қўлга киритиш" - деди Файзуллаев.