"Реал" ҳужумчиси Карим Бензема ёш футболчиларнинг академияларда тайёрланишини танқид қилди. Франциялик футболчининг фикрича, ёш футболчилар фақат гол уришни исташи нотўғри.
"Менимча, ёш футболчилар нотўғри тарбияланмоқда. Ҳозирги ёшлар фақат гол уришни хоҳлайди, бу нотўғри. Футбол фақат гол уришдан иборат эмас", - деди Бензема Madrid Xtra билан суҳбатда.
Бензема яқинда "Олтин тўп"ни қўлга киритиб, "Реал" билан шартномасини 2024 йилгача узайтирди. Айни дамда франциялик футболчи ҳафта бошидаги машғулотларда олган жароҳатидан фориғ бўлмоқда.
Ла Лиганинг жорий мавсумида Карим ҳисобида 5 та гол бор.
