Молдованинг “Шериф” клуби матбуот хизмати Степан Томас жамоа бош мураббийлигидан истеъфога чиққанини маълум қилди.
46 ёшли мутахассиснинг ўзи жамоа Молдова чемпионатида "Петрукуб" жамоасига 0:1 ҳисобида мағлуб бўлганидан кейин шундай қарорга келган.
Степан Томас "Шериф" билан тўрт ой ишлади. Бу вақт ичида жамоа 25 учрашув ўтказди: 13 ғалаба, 6 дуранг ва 6 мағлубият.
"Шериф" навбатдаги ўйинни 27 октябрь, пайшанба куни ўтказади. Молдова жамоаси Европа лигаси гуруҳ босқичининг 5-турида “Олд Траффорд”да “Манчестер Юнайтед”га қарши баҳс олиб боради. Айни пайтда "Шериф" ўз гуруҳида учинчи ўринни эгаллаб турибди.
