Унаи Эмери "Астон Вилла"га ўтиш қароридан сўнг "Вильярреал" янги бош мураббий излашга мажбур бўлди. Тахминларга кўра, "сув ости кемаси"ни 2020 йилнинг август ойидан ишсиз юрган 64 ёшли Кике Сетьен қабул қилиб олади.
AS нашри хабарига кўра, "Вильярреал" 26 октябрь чоршанба куни Кике Сетьенни жамоанинг янги бош мураббийи сифатида таништиради. Қайд этилишича, 64 ёшли мураббий билан шартнома қисқа муддатга - мавсум охиригача тузилган.
Кике Сетьеннинг шу кунгача сўнгги клуби "Барселона" бўлган. Ушбу мураббий бошчилигидаги сўнгги ўйинда “кўк-анорранглилар” Чемпионлар лигасида “Бавария”га 2:8 ҳисобида имкониятни бой беришганди.
