"ПСЖ" ҳужумчи Лионель Месси билан шартномани узайтириш борасида музокаралар олиб бормоқда, деб хабар беради Mundo Deportivo.
Аргентиналик футболчига икки мавсумлик шартнома таклиф қилинади. Қайд этилишича, "ПСЖ" Лионель Мессининг ҳозирги маошини сақлаб қолишга тайёр, бу эса клубнинг шартномани ёпиш имкониятларини оширади.
Айни пайтда у йилига 41 миллион евро олади. Қайд этилишича, Месси "ПСЖ"даги маошининг бир қисмини криптовалютада олади.
Леонинг амалдаги шартномасида келишувни бир мавсумга узайтириш имконияти мавжуд, аммо "ПСЖ" янги шартнома имзоламоқчи.
Аввалроқ Месси парижликлар клубини тарк этиши ва июль ойида француз клуби билан амалдаги шартномаси тугагач, “Барселона”га қайтиши ҳақида хабар берилганди.
