Қатарда ўтадиган Жаҳон чемпионати ташкилий қўмитасида ишлаётган Алишер Никимбаев Gazeta.uz'га берган интервьюсида айни пайтда қанча даромад топаётганини айтиб ўтди.
"Мен топадиган даромадга келадиган бўлсак, аввал айтганимдек, икки ташкилот ОФК ва Қатар футбол ассоциациясида ишлайман ҳамда икки жойдан маош оламан. Қисқа қилиб айтганда, бир ойлик маошимга Ўзбекистонда ишлаб чиқариладиган Cobalt ёки Lacetti машинасини сотиб олса бўлади. Ойлик унчалик катта эмас, сабаби бунданда катта воқеа — ЖЧда ишлаш таклифи тушганда, мен унга қараганим ҳам йўқ. Балки бошқа чет элдан келган мутахассис бу маошга қаноатланмаган бўларди", — деди Никимбаев.