“Бавария” ҳимоячиси Маттейс де Лигт “Барселона”га қарши (3:0) ЕЧЛ гуруҳ босқичи 5-тур учрашувининг энг яхши футболчиси деб топилди.

Ўйиндан сўнг унга эсдалик совғаси топширилди.

"У яккакурашларда бутун жисмоний кучини намойиш қилиб, таъсирчан ўйнади, бунинг натижасида Левандовски деярли ўйинда сезилмади. У ўз жамоасининг нафақат гол ўтказиб юбормаслигига, балки "Барса"га бир марта бўлса ҳам дарвозага зарба йўллашига имкон бермаслигига ҳисса қўшди", - деди УЕФА техник кузатувчилар гуруҳи вакили.

25 ёшли нидерландиялик футболчи бутун учрашувни майдонда ўтказди.