“Интер” ҳужумчиси Эдин Жеко Чемпионлар лигаси 1/8 финалига қўлга киритилган йўлланма ҳақида гапирди.

“Нерадзурри” ўз майдонида “Виктория” Плзенни (4:0) мағлуб этиб, “Барселона”ни муддатидан аввал гуруҳдан чиқиш учун барча имкониятлардан маҳрум қилди. Орадан бироз вақт ўтиб каталонияликлар “Бавария”га имкониятни бой беришди – 0:3.
ъ
"Қуръадан сўнг, "Интер"нинг бундай гуруҳдаги муваффақиятига озчилик ишонди, аммо биз билан ҳисоблашиш кераклигини кўрсатдик. Билмадим, “Барселона”ни турнирдан чиқариб юборганимиз жасоратми – “Интер” ҳам кучли ва буни “Барса” билан тўқнаш келган учрашувларда исботладик", – деди босниялик ҳужумчи.