«Уфа» клуби собиқ бош мураббийи, ҳозирда «Ротор»да ишлаётган Алексей Стукалов ўзбекистонлик ярим ҳимоячи Остон Ўруновнинг салоҳиятига юқори баҳо берди.

— Ўрунов — яхши футболчи. «Уфа»даги фаолиятида дастлаб уни жароҳатлар қийнади. Қишки йиғинда унинг тайёргарлик режасига ўзгартириш киритдик. Натижада у баҳордан бошлаб ўйинларда иштирок этди. Ҳозир уни қандай муаммо қийнаётганини билмайман. Шу боис, «Урал» ҳақида гапира олмайман.

— Остон «Спартак»дан кейин «Уфа»га келиб футболга муносабатини ўзгартира олдими?
— Бошланғич босқичда унга нисбатан баъзи саволлар бор эди. Кейин эса вазиятни ўзгартирдик. Майдонда ҳам, унинг ташқарисида ҳам у билан муаммоларга дуч келмаганман.

— Ўрунов салоҳият бўйича РПЛнинг ўртамиёна жамоасига мос футболчими ёки эҳтимол юқорироқ савиядами?
— Ўйлашимча, Ўрунов ўртачадан юқорироқ савияда футболчи. Ҳаракатларидаги координация ва техникаси яхши. Агар бир ўйинда унинг спринтлари сонига қарасак, ундаги савия жуда юқори.