"Ливерпуль" ҳужумчиси Дарвин Нуньес ватандоши Луис Суаресдан олган маслаҳатлари ҳақида гапирди. Эслатиб ўтамиз, Суарес 2011 йилдан 2014 йилгача "мерсисайдликлар" сафида тўп сурган.
"Луис менга Премьер-лигада ҳар бир ўйинда ҳимоячилар томонидан провокациялар бўлишини айтди. Улар мени хафа қилиш учун ҳар қандай йўл билан ҳаракат қилишади, лекин мен кучли бўлишим ва провокацияларга берилмаслигим керак" - деди Нуньес ESPNга берган интервьюсида.
Аввалроқ Нуньес АПЛнинг 2-турида “Кристал Пэлас”га қарши ўйинда қизил карточка олган, шу сабаб турнирдаги кейинги учта ўйинни дисквалификация туфайли ўтказиб юборганди.
Дарвин ҳозирда барча мусобақаларда 5 та гол ва битта голли узатмага эга.
