Мадриднинг “Реал” клуби ярим ҳимоячиси Винисиус Жуниор жорий мавсумда нечта гол уришини тахмин қилмади. Айни пайтда бразилиялик барча мусобақаларда 8 та гол ва 4 та голли узатмага эга.
"Бир мавсумда нечта гол ураман? Билмайман. Мени кўпроқ "Реал" унвонлар ютиши қизиқтиради. Мен учун жамоавий совринлар юқорироқ", - деди Винисиус Madrid Xtra билан суҳбатда.
Ўтган мавсумнинг сўнгги ўйинида Винисиус Чемпионлар лигаси финалида "Ливерпул"га қарши ўйинда гол урди. Бу тўп "қироллик клуби"га энг нуфузли турнир тарихидаги 14-кубогини келтирди.
Винисиус "қаймоқранглилар"да 2018 йилдан бери ўйнаб келмоқда.
