"Жирона" ярим ҳимоячиси Алейкс Гарсия Испания чемпионатининг 12-туридан ўрин олган "Реал"га қарши ўйиндан қандай натижа кутаётганини айтди.
“Биз қандай қилиб ғалаба қозонишимизни билмаймиз. Винисиус, Бензема ёки бошқа биров ўйинда унчалик яхши формада бўлмаса ҳам, улар бизга гол ура олади, деб ўйлайман. Мен дурангга гаров тикишим мумкин, аммо бунга эришиш учун биз мукаммал ҳаракат қилишимиз керак", - дея Гарсиянинг сўзларини келтиради Marca.
Мадриднинг “Реал” клуби 30 октябрь куни “Жирона”ни қабул қилади. Учрашув Тошкент вақти билан 20.15 да бошланади.
