Махачқалъанинг "Анжи" клуби Европа лигасидаги ўзининг иштирокини ғалаба билан бошлади. Гус Худдинк шогирдлари Венгриянинг "Гонвед" жамоасини минимал ҳисобда мағлуб этишди.

Учрашувдаги ягона голни Жусилей киритди. Это`О томонидан узатилган тўпга ҳужумчи аниқ зарба бера олди. Бу тўпга Одил Аҳмедов ҳам зарба бериши мумкин эди. Аммо ҳамюртимиз жамоадошига халал беришни истамади.

Одил Аҳмедов ўйинни тўлиқ ўтказди ва фаол ҳаракаттлари билан ажралиб турди.

Ушбу жамоалар ўртасидаги жавоб учрашуви 26 июль куни ўтказилади.

ЕВРОПА ЛИГАСИ. ИККИНЧИ БОСҚИЧ
"Анжи" (Россия) – "Гонвед" (Венгрия) 1:0 (1:0)
Гол: Жусилей (22).
"Анжи": Габулов, Ж.Карлос, Самба, Логашов, Одил Аҳмедов, Жусилей, Шатов (Лахиялов, 69), Буссуфа, Жирков (Тагирбеков, 77), Это′О, Траоре (Смолов, 83).
"Гонвед": Кеменеш, Игнятович, Ловрич, Дебрецени, Видович, Чами, Иванчич (Диарра, 82), Джонсон, Гиди (Вечеи, 61), Диаби (Вернеш, 56), Дельцег.
Огоҳлантиришлар: Жирков (43), Самба (90).