Ҳозирда "Валенсия" шарафини ҳимоя қилаётган трансфер ҳуқуқлари "Барселона"га тегишли бўлган Нико Гонсалес январда каталонияликлар сафига қайтиши мумкин, дея хабар берди Marca.
Манбага кўра, "кўк-анорранглилар"да январь ойида ижара шартномасини бир томонлама бекор қилиш имконияти йўқ. Никонинг "Барса"га қайтишининг ягона йўли - иккала клубнинг келишиб олиши.
20 ёшли Нико жорий мавсумда жами 10 та ўйинда 1 та гол урди. Унинг нархи Transfermarkt порталида 20 миллион евро этиб белгиланган.













