"Барселона" жамоанинг асосий дарвозабони Марк-Андре тер Штегеннинг жароҳатларидан хавотирда, шу боис клуб немис дарвозабони ўрнига иккита вариантни кўриб чиқмоқда. Гап “Лацио” дарвозабони Луис Максимиано ва “Нант”дан Альбан Лафонт ҳақида кетмоқда. Бу ҳақда El Nacional хабар бермоқда.
2022 йил ёзи бошида 23 ёшли Максимиану Нето кетганидан каталонияликлар сафида тер Штегеннинг вориси ролига асосий даъвогар эканлиги маълум қилинганди. Бироқ ўша пайтдаги "Гранада" дарвозабони "Лацио"га кўчиб ўтди ва у А Сериянинг бу мавсумида битта ўйинида қатнашиб, олти дақиқа майдонда ўтказди.
23 ёшли Лафонт 2019 йилдан буён "Нант"да ўйнаб келмоқда. Жорий мавсумда у 18 та ўйинда 35 та гол ўтказиб юборди ва иккита ўйинда дарвозаси дахлсизлигини сақлаб қолди.
