Гелзенкирхеннинг “Шальке-04” клуби собиқ футболчиси Рауль Гонсалесни жамоага бош мураббий этиб тайинлаш имкониятини кўриб чиқди, деб хабар беради Marca.
Гонсалес футболчилик фаолиятини "Реал Мадрид"дан немис клубига ўтиб, айнан шу ерда якунлади. Ҳозир испаниялик собиқ мутахассис "Қироллик клуби" ёшлар жамоасига устозлик қилмоқда.
Манба берган хабарга кўра, "Шальке-04" "Реал"га Раулнинг немис жамоаси бош мураббийи лавозимига ўтиши мумкинлиги борасида расмий сўров юборган.
Бироқ испанияликнинг ўзи бу таклифни рад этди. Шунингдек, Рауль келажакда "Реал Мадрид"нинг асосий жамоаси бош мураббийи бўлишни хоҳлаётгани хабар қилинган.
Аввалроқ, "Шальке" бош мураббийи Френк Крамерни истеъфога чиқарганди. Клуб Бундеслигада охирги ўринни эгаллаб турибди.
