"Бавария" "Атлетико" ҳужумчиси Жоау Феликсни 100 миллион еврога сотиб олмоқчи эди, бироқ испан клуби бунга рози бўлмади. Бу ҳақда Marca хабар бермоқда.
Манбага кўра, "Бавария" "Барселона"га кетган Роберт Левандовски ўрнига ўринбосар топмоқчи бўлган. Немис клуби ҳужумчи учун 100 миллион евро таклиф қилди, аммо Мадрид клуби жорий мавсумда унга умид қилиб, 22 ёшли португалияликни сотишдан бош тортди.
Феликс 2019 йил июль ойида “Атлетико”га ўтган эди. 2022/23 йилги мавсумда футболчи испан клуби сафида 14 та ўйин ўтказиб, 3 та голли узатмани амалга оширган.













