“Бавария” сафида Бундеслигасида тўп сураётган франциялик ҳимоячи Бенжамен Павар фаолиятини Испания чемпионатида давом эттириши мумкин. Бу ҳақда Fichajes нашри хабар бермоқда.

Манбага кўра, 26 ёшли футболчининг хизматларига Мадриднинг "Атлетико" клуби қизиқиш билдирмоқда. “Матрасчилар” футболчининг немис гранди билан муносабатлари кескинлашганидан унумли фойдаланиш ниятида. Бенжаминнинг трансфер нархи 30 миллион еврога баҳоланмоқда.

Жорий мавсумда ҳимоячи барча мусобақаларда 17 та ўйинда иштирок этиб, 3 та гол уришга муваффақ бўлди.