"Арсенал" марказий ҳимоячи Уильям Салиба билан янги шартнома борасида музокаралар олиб бормоқда.

Лондон клуби ва Салиба ўртасидаги амалдаги келишув 2024 йилнинг 30 июнига қадар амал қилади. "Арсенал" ҳимоя чизиғидаги асосий футболчи билан шартномани узайтирмоқчи, клуб Уильямга расмий таклиф билан чиққан. Ҳозирда томонлар келишувга эришмаган, аммо музокаралар давом этмоқда.

Салиба бу мавсумда "Арсенал"нинг Премьер-лигасидаги барча ўйинларида майдонга тушди. 21 ёшли франциялик ҳимоячи 12 учрашувда 2 та гол урди ва 1 та голли узатмани амалга оширди.