Мюнхеннинг "Бавария" клуби ҳужумчи Эрик Чупо-Мотинг билан янги шартнома имзоламоқчи. Немис гранди камерунлик футболчининг ўйинидан мамнун ва уни янги меҳнат шартномаси билан тақдирламоқчи. Бу ҳақда инсайдер Фабрицио Романо ижтимоий тармоқлар орқали маълум қилди.
Журналистнинг сўзларига кўра, томонлар яқин бир неча ой ичида 33 ёшли ҳужумчининг келажаги ҳақида гаплашиб олишади.
2022/2023 йилги мавсумда Чупо-Мотинг мюнхенликлар сафида 13 та ўйинда қатнашиб, 8 та гол урди ва 3 та голли узатмани амалга оширди. Унинг шартномаси олти ойдан кейин тугайди.
