"ПСЖ" марказий ҳимоячиси Серхио Рамос сўнгги йилларда умуман ўзгармаганига ишонмоқда.

Эслатиб ўтамиз, бу мавсум испаниялик футболчи учун 2021 йилнинг ёзида "Реал"дан эркин агент сифатида ўтганидан сўнг парижликлар таркибидаги иккинчиси бўлди.

"Сўнгги йилларда мен умуман ўзгармадим. Ўтган мавсум оғир кечди, чунки мен жароҳатлар билан курашдим ва янги жамоага мослашдим. Бунгача деярли бутун фаолиятимни "Реал"да ўйнаганман. Аммо шу билан бирга, фаолиятимни якунлаш ҳақида ўйлаганим ҳам йўқ", — деди Рамос Чемпионлар лигаси гуруҳ босқичи сўнгги турида Туриннинг "Ювентус" клубига қарши бўлиб ўтадиган ўйин олдидан ўтказилган матбуот анжуманида.