Суперлига 24-туридан ўрин олган “Нефтчи” – АГМК (1:3) ўйинидан сўнг мезбонлар бош мураббийи Виталий Левченко жамоаси ҳозирда маҳорат бобида рақибдан ортда эканини, рақибнинг биринчи голи бироз мантиқсиз бўлгани ва руҳият борасида гапирди.

“Бундай жамоага қарши очиқ футбол ўйнаб бўлмаслиги тушунарли эди ва ўйин охирларида ўтказиб юборилган голлар гапларимнинг исботидир”, - дейди мезбонлар устози.

“Рақибнинг биринчи бироз мантиқсиз бўлди. Сабаби, рақиб ҳужумчиси дарвозамизга тескари ҳолатда зарба берди. Қолгани класс ва маҳорат. Бу борада эса рақибдан бугун ортдамиз”.

“Ўйин охирларида гол уриш, аниқроқ айтадиган бўлсак, вазиятни қутқариш учун олдинга ташландик. Аммо, яна гол ўтказиб юбордик. Қайтараман, рақиб футболчисининг тескари туриб киритган биринчи голи бизни руҳий жиҳатдан бироз синдирди. Нима учун бундай ҳолат юзага келди, қаерда хато қилдик – буларни таҳлил қиламиз”.