Superliga 24-turidan o‘rin olgan “Neftchi” – AGMK (1:3) o‘yinidan so‘ng mezbonlar bosh murabbiyi Vitaliy Levchenko jamoasi hozirda mahorat bobida raqibdan ortda ekanini, raqibning birinchi goli biroz mantiqsiz bo‘lgani va ruhiyat borasida gapirdi.
“Bunday jamoaga qarshi ochiq futbol o‘ynab bo‘lmasligi tushunarli edi va o‘yin oxirlarida o‘tkazib yuborilgan gollar gaplarimning isbotidir”, - deydi mezbonlar ustozi.
“Raqibning birinchi biroz mantiqsiz bo‘ldi. Sababi, raqib hujumchisi darvozamizga teskari holatda zarba berdi. Qolgani klass va mahorat. Bu borada esa raqibdan bugun ortdamiz”.
“O‘yin oxirlarida gol urish, aniqroq aytadigan bo‘lsak, vaziyatni qutqarish uchun oldinga tashlandik. Ammo, yana gol o‘tkazib yubordik. Qaytaraman, raqib futbolchisining teskari turib kiritgan birinchi goli bizni ruhiy jihatdan biroz sindirdi. Nima uchun bunday holat yuzaga keldi, qayerda xato qildik – bularni tahlil qilamiz”.
