"Челси" ярим ҳимоячиси Мейсон Маунт УЕФА Чемпионлар лигаси гуруҳ босқичининг 6-турида Загребнинг "Динамо" жамоасига қарши ўйиннинг энг яхши ўйинчиси учун бериладиган мукофотни олиш ҳақида гапирди. "Кўклар" "Стэмфорд Бридж"да 2:1 ҳисобидаги ғалабани нишонлашди.
"Ушбу ўйинда биз майдондаги одатий тартибни бироз ўзгартирдик. Бу менга манёвр қилиш ва ярим ҳимояни жалб қилиш, шунингдек, олдинга югуриш имконини берди. Менга бу позицияда ўйнаш ёқди.
Денис Закария ажойиб ўйин ўтказди. Ўйлайманки, у бу мукофотга мендан кўра кўпроқ лойиқ эди”, — деди Маунт “кўклар” матбуот хизматига.
