ФИФА Косово терма жамоасининг бошқа терма жамоалар билан ўртоқлик ўйини ўтказиши мумкинлигига доир қарор чиқаришни сентябрь ойи охирларига қолдирди, дея хабар беради Inside World Football.
Аввалроқ Йозеф Блаттер Косовонинг ФИФАга аъзо қилинишини тез муддат орасида ҳал қилинишига умид билдирган эди. Аммо УЕФАнинг кўплаб аъзолари бунга ё қарши чиқишди, ё бетараф қолишди.
Косовонинг қўшилишига ҳаммадан кўра кўпроқ Сербия қаршилик қилди. Бунинг устига УЕФАдагиларнинг таъкидлашича, ташкилотга кириш учун БМТ аъзоси бўлиши керак. Косово эса БМТга аъзо эмас.
Энди 27 ёки 28 сентябрда бўладиган ФИФА ижроия қўмитаси мажлисида бу масалага яна қайтилади.
