7 ноябрни интиқлик билан кутамиз.

Чемпионлар лигасининг гуруҳ босқичи якунланди - энди биз плей-оффнинг барча иштирокчилари номини билиб олдик.

Қура ташлаш маросими 7 ноябрь куни бўлиб ўтади, аммо ҳозирданоқ ҳар бир жамоанинг 1/8 финалда учрашиш эҳтимолини тахмин қилишимиз мумкин.

«Бавария» ва «Ливерпуль» бир-бирига рақиб бўлиши мумкин, бу жуфтлик ўзаро тўқнаш келиши 37,12% деб баҳоланмоқда. Ҳаммасига сабаб «Бавария»да бирданига 4 та жамоа билан ўйнамаслиги сабаб бўлмоқда: «Айнтрахт», «Лейпциг», «Боруссия» ва «Интер». Инглиз клубида ҳам бундай истиснолар бор. Шу сабабли уларнинг "Бавария"га қарши тўқнаш келиш эҳтимоли жуда йўқори. 

«Наполи» учун тушмаслиги аниқ бўлган жамоалар кам: неаполликлар «Ливерпуль» (гуруҳда ўйнаган), «Интер» ва «Милан» (Италия жамоалари) илк босқичда рақиб бўлмайди.

"Реал Мадрид"да энг кўп вариант бор (истиснолардан фақат Лейпциг) - қолган испан жамоалари плей-оффга чиқа олишмади. «Бенфика» ва «Порту»да ҳам битта истисно бор: биринчисида «ПСЖ» (улар бир гуруҳда эди), иккинчисида «Брюгге» (худди шу сабаб) бор.

Қуръа қандай ўтказилади?

Биз УЕФА расмий сайти маълумотларини сизлар билан улашамиз.

• Қуръа учун иккита идиш тузилади: бири гуруҳ ғолиблари ва иккинчисида иккинчи ўринни эгаллаган жамоалар.

• Гуруҳ босқичида бир тўртликдан жой олган бир ассоциация ва жамоа вакиллари 1/8 финалда тўқнаш келишмайди. Бошқа мумкин бўлган чекловлар маросим олдидан эълон қилинади.

• Гуруҳ ғолиблари жавоб ўйинларини ўз майдонида ўтказади.

• 1/4 ва 1/2 финал босқичига қура ташлаш маросими 17 март куни бўлиб ўтади.

Учрашувлар қачон бўлиб ўтади?

1/8 финал: 14-15, 21-22 февраль ва 7-8, 14/15 март.

1/4 финал: 11-12 ва 18-19 апрель.

1/2 финал: 9-10 ва 16-17 май.

Финал: 10 июнь.

Финал қаерда бўлади?

Отатурк олимпия стадиони, Истанбул, Туркия. «Ливерпуль» мухлислари уни жуда яхши эслашади - айнан ўша эрда жамоа 2005 йилда «Милан» устидан ғалаба қозонган.