7 noyabrni intiqlik bilan kutamiz.
Chempionlar ligasining guruh bosqichi yakunlandi - endi biz pley-offning barcha ishtirokchilari nomini bilib oldik.
Qura tashlash marosimi 7 noyabr kuni bo‘lib o‘tadi, ammo hozirdanoq har bir jamoaning 1/8 finalda uchrashish ehtimolini taxmin qilishimiz mumkin.
«Bavariya» va «Liverpul» bir-biriga raqib bo‘lishi mumkin, bu juftlik o‘zaro to‘qnash kelishi 37,12% deb baholanmoqda. Hammasiga sabab «Bavariya»da birdaniga 4 ta jamoa bilan o‘ynamasligi sabab bo‘lmoqda: «Ayntraxt», «Leypsig», «Borussiya» va «Inter». Ingliz klubida ham bunday istisnolar bor. Shu sababli ularning "Bavariya"ga qarshi to‘qnash kelish ehtimoli juda yo‘qori.
«Napoli» uchun tushmasligi aniq bo‘lgan jamoalar kam: neapolliklar «Liverpul» (guruhda o‘ynagan), «Inter» va «Milan» (Italiya jamoalari) ilk bosqichda raqib bo‘lmaydi.
"Real Madrid"da eng ko‘p variant bor (istisnolardan faqat Leypsig) - qolgan ispan jamoalari pley-offga chiqa olishmadi. «Benfika» va «Portu»da ham bitta istisno bor: birinchisida «PSJ» (ular bir guruhda edi), ikkinchisida «Bryugge» (xuddi shu sabab) bor.
Qur’a qanday o‘tkaziladi?
Biz UYEFA rasmiy sayti ma’lumotlarini sizlar bilan ulashamiz.
• Qur’a uchun ikkita idish tuziladi: biri guruh g‘oliblari va ikkinchisida ikkinchi o‘rinni egallagan jamoalar.
• Guruh bosqichida bir to‘rtlikdan joy olgan bir assosiasiya va jamoa vakillari 1/8 finalda to‘qnash kelishmaydi. Boshqa mumkin bo‘lgan cheklovlar marosim oldidan e’lon qilinadi.
• Guruh g‘oliblari javob o‘yinlarini o‘z maydonida o‘tkazadi.
• 1/4 va 1/2 final bosqichiga qura tashlash marosimi 17 mart kuni bo‘lib o‘tadi.
Uchrashuvlar qachon bo‘lib o‘tadi?
1/8 final: 14-15, 21-22 fevral va 7-8, 14/15 mart.
1/4 final: 11-12 va 18-19 aprel.
1/2 final: 9-10 va 16-17 may.
Final: 10 iyun.
Final qayerda bo‘ladi?
Otaturk olimpiya stadioni, Istanbul, Turkiya. «Liverpul» muxlislari uni juda yaxshi eslashadi - aynan o‘sha erda jamoa 2005 yilda «Milan» ustidan g‘alaba qozongan.
