Суперлига 24-туридан ўрин олган “Насаф” – “Динамо” (1:0) ўйинидан сўнг мезбон жамоа бош мураббийи Рўзиқул Бердиев жамоасига қарши ўйинларда рақиблар чуқур ҳимояда ўйнаётгани, пенальтилар муаммоси ва жароҳат олган футболчилар борасида фикр билдирди.

“Қийин учрашувда қийин ғалабага эришдик. Бундай ўйинларга жамоани руҳан тайёрлаш бироз қийин кечади. Кубокни ютгандан кейин, футболчиларда бунинг руҳияти сезилади. Қолаверса, рақиблар бизга қарши ўйинларда чуқур ҳимоявий ўйин намойиш этишмоқда. Мақсадимиз уч очко эди ва қийин ўйинда буни уддасидан чиқдик”

“Пенальтидан гол ура олмаслик асосий муаммоимизга айланиб бормоқда. Штатли пенальтичимиз Норчаев ўйнамаяпти. Бугун пенальтини Соловев тепиши лозим эди. У ҳам пенальти бўлган вазиятда майдонда эмаслиги боис, Лима масъулиятни ўз зиммасига олган эди, аммо у ҳам бугун бундан фойдалана олмади”.

“Ҳусайн Норчаев машғулотларимизга қўшилди. Кейинги ўйинга тайёр бўлса керак. Дилшод Саитов кубок финалида бироз жароҳат олганди. Умуман, кўпчиликни ротация қилдик. Станоевичнинг жароҳати бўйича шифокорлар билан гаплашаман”.

“Олимпик”нинг барча футболчилари кўп югуради. Улар билан ўйинда ҳам ижобий натижа учун майдонга тушамиз. “Нефтчи” ҳам осонликча таслим бўлмайди”.