"Челси" бош мураббийи Грэм Поттернинг айтишича, ҳужумчи Пьер-Эмерик Обамеянг ўзининг собиқ жамоаси, ҳозирда АПЛ турнир жадвалида пешқадамлик қилаётган "Арсенал"га қарши тўқнаш келишни интиқлик билан кутмоқда.
"Обамеянг "Арсенал"га қарши ўйинни интиқлик билан кутмоқда. Ўйлайманки, у бунга нисбатан анча қатъий бўлади.
У бу ҳафта яхши машғулот ўтказди. Келинг, у ўзини қандай исботлай олишини кўрамиз”, — деди Поттер матбуот анжуманида.
Эслатиб ўтамиз, Обамеянг 2018 йилдан 2022 йилгача "Арсенал"да ўйнаган. Бу даврда ҳужумчи “канонирлар” билан Англия кубоги ва Англия Суперкубогини қўлга киритди, шундан сўнг “Барселона”га текинга йўл олди.
