“Астон Вилла” клуби тез орада янги эмблемага эга бўлишини эълон қилди. Инглиз клуби мухлисларни иккита вариантдан бирини танлашга таклиф қилди.

“Биз кенг доирадаги мухлислар билан узоқ маслаҳатлашдик. Ўз фикрлари билан бўлишиш учун вақт ажратган барчага раҳмат - сизнинг киритишингиз катта ўзгаришларга олиб келди. Кенг ижодий жараёндан сўнг биз сизга эмблеманинг иккита янги версиясини тақдим этишдан мамнунмиз”, дейилади расмий пресс-релизда.

Октябрь ойи охирида испаниялик мутахассис Унаи Эмери жамоанинг янги бош мураббийи бўлди. У Стивен Жеррардни алмаштирди.

“Астон Вилла” жорий мавсумда 13 ўйинда 12 очко тўплади ва Премьер-лигада 15-ўринни эгаллаб турибди.